Тегеран мен Исламабад стратегиялық ынтымақтастықты арттыруға ынталы.
Еуразия Тудейдің хабарлауы бойынша бұл туралы Ауғанстан_Пәкістан мәселелерінің сарапшысы Амир Ахмад Реза Мошарраф мәлімдеді.
Сарапшының пікірі бойынша соңғы біраз жылда, әсіресе Иран мен Израильдің жоғары деңгейлі басшылары арасындағы үздіксіз кездесулер көпшіліктің назарын өзіне аударды.
Пәкістан Ішкі істер министрі Мохсен Нақвидің бір айдан азғана уақыт бұрын Тегеранда болуы, кейін Иран Мәжілісінің спикері Қалибафтың Пәкістанға жасаған сапары мен енді Иран Ұлттық қауіпсіздік жоғары кеңесінің хатшысы Лариджанидің Исламабадқа сапары — бұлардың барлығы екі елдің байланысы терең өзгерістер қарсаңында тұрғанын көрсетеді.
Өзгерістер кең ауқымды саланы қамтуы мүмкін. Лариджанидің Исламабадта екжақты экономикалық байланысты 10 миллиард долларға дейін арттыру қажеттігін қуаттауы екі елдің экономикалық байланысты неғұрлым көбірек арттыруға деген ерік-жігерін көрсетеді.
Дегенмен осы сапардың негізгі мақсатын екі ел арасындағы қауіпсіздік пен стратегиялық ынтымақтастықты арттыру жөніндегі келіссөздерден іздеу керек сияқты.
Бұл Иранның Пәкістандағы елшісі де атап өткен мәселе: «Тегеран мен Исламабад арасында стратегияны қалыптастыру және Тегеран мен Исламабад арасындағы екіжақты қарым-қатынасты арттыру қажеттілігі бұрынғыдан өзекті саналады. Бұл мақсат Ұлттық қауіпсіздік Жоғарғы кеңесі хатшысының Пәкістанға маңызды сапары арқылы мағыналы түрде ілгерілейді».












