Теһранда Мұхаммед пайғамбардың (с.ғ.с.) мәулітіне 1500 жыл толуына арналған 39-шы “Ислам бірлігі” халықаралық конференциясы өтіп жатыр.
Пайғамбардың (с.ғ.с.) мәулітіне 1500 жыл толуына арналған конференция қыркүйек айының 8-10 аралығында Тегерандағы Саммит залында өтуде. Оған 80 көрнекті ислам үлемі, 210 қонақ және 2800 белсенді қатысуда. Сондай-ақ конференцияға ұсынылған 392 мақаланың 148-і баяндамаға қабылданды.
Үш күнге созылатын шара шетелдік қатысушыларға Иранның ғылыми және әскери жетістіктерімен танысуға мүмкіндік береді.
Иран Сыртқы істер министрі Аббас Арақчи шараның ашылу салтанатында сөйлеген сөзінде Ислам елдерінің бірлігі үшін Ислам әлемінің зор мүмкіндіктерін пайдалану қажеттігін, бір жарым миллиард мұсылман үмметі біріксе, үлкен әлеуетті іске қосып, ислам әлемінің өсуіне, ілгерілеуіне үлес қоса алатынын айтты.












