АҚШ президенті Америка халқын алдап, аралық сайлаудың ауыр асуынан өтіп кету үшін іске кірісті.
АҚШ президенті бірнеше маңызды шындықты мойындап, келесі айда өтетін сайлауда сөзсіз жеңілетінін жақсы түсінген соң, қулық-сұмдық пен түймедейді түйедей етіп көрсету арқылы Америка халқын алдап, аралық сайлаудың ауыр асуынан өтіп кету үшін іске кірісті.
Трамп жуырдағы мәлімдемесінде былай деді: «Мен жақында Ресей Президенті Владимир Путинмен өте сәтті келіссөз жүргіздім. Келісім бойынша Ресей АҚШ пен әлемдік нарыққа дереу 300 мың тоннадан астам дизель отынын, қараша айында тағы 500 мың тонна және одан кейін бірден 1 миллион тонна жеткізеді. Бұдан бөлек, Ресейдің дизель өңдейтін зауыттарының жағдайын ескере отырып, бұл ел аз уақыт ішінде 3 миллион тонна дизель отынын жеткізетін болады».
Трамп сандар туралы сөйлегенде, білмейтін адам бұл сандарды өте үлкен деп ойлайды. Ресей ең басында АҚШ-қа әр тоннасы шамамен 1200 литр 300 мың тонна дизель жеткізуге уәде берді. Қараша айында 500 мың тонна, одан кейін 1 миллион тонна. Мұқият қараңыздар, Ресейдің АҚШ-қа беретін бірінші партиясы 360 миллион литр, екінші партиясы 600 миллион литр болады. Қараша айында, яғни 30 күн ішінде Ресей АҚШ-қа 600 миллион литр дизель бермек. Кейбіреулер бұл санды өте үлкен, маңызды және Америка нарығына әсер етеді деп ойлауы мүмкін.
Бірақ мәлімет үшін айта кетейін: АҚШ-тағы күнделікті дизель тұтыну көлемі 650 миллион литрден асады, яғни Путиннің Трампқа қарашаның аяғы мен желтоқсанның ортасына дейін жіберетіні бар болғаны 2 миллиард литр болады! Бұл — Американың үш-ақ күндік тұтынуы.
Шын мәнінде, Ресейде дизельдің өте үлкен қоры болғанымен, кейбіреулер ойлағандай, ОББ басшылығындағы НАТО-ның күнделікті шабуылдары жағдайында Трампты құтқару үшін өзінің стратегиялық қорын жіберуге келіскен жоқ.
Кейбір адамдардың зерттемей, ізденбей Трамптың сөздері мен сандырақтарын дәріптеп жатқанын көргенде шынымен таңғаламын. Бұл адамдар неге Трамптың Ресейден дизель импорттауға тырысуының себептері мен факторларына үңілмейді?! Неге кейбіреулер Путиннің Трампқа айтқан «үлкен жоғын» айтқысы келмеді?!
Трамптың Путинге арқа сүйеуі республикашылардың жағдайының өте мүшкіл екенін білдіреді. Трамптың өзін құтқару үшін осындай қорлыққа баруының өзі көп нәрсені аңғартады. Путинге иек арту оның қарсыластарына, әсіресе лемократтарға, тіпті Ресейге қарсы соғысты қолдаушыларға Республикалық партияның кандидаттарына қатты шабуыл жасауға сылтау береді.
Сонымен қатар, Ресейден дизель импорттау және бағаны түсіру үшін дизель мен бензинге салынатын салықты азайтуға тырысу сияқты әрекеттер басқа бір маңызды мәселені жасыра алмайды. Ресейдің Трампты құтқару үшін кем дегенде алдағы екі айда жіберетін отыны сайлауға дейін Американың шығыс немесе батыс жағалауына жетпеуі де мүмкін екенін жазған болатынмын.
Екінші және ең маңызды жайт — осы 2 миллиард литрмен АҚШ-тағы дизель мен басқа да отын өнімдерінің тапшылығы жойылмайды. Трамп соңғы айларда Ормуз бұғазы туралы жүздеген рет өтірік айтқаны сияқты, қазір де Ресейден дизель жіберу мәселесін асыра сілтеп жатыр. Білмейтін адам Американың бүкіл отын мәселесі шешілетіндей көреді.
Қалай болғанда да, мәселенің шындығы осы. Жақында америкалық сарапшылардың да дәл осыны жазатынын, бәлкім, бұдан да көп мәліметтерді ортаға салатынын көресіздер. АҚШ күніне 4 миллион баррель дизель тұтынады. Америкада өңделіп, дизель алынатын мұнайдың жартысы Парсы шығанағынан импортталады. Егер Ормұз бұғазы ашық болғанда, Трампқа мұндай қорлықты қабылдап, өзінің жауына жалынудың ешқандай қажеті болмас еді.












