АҚШ Президенті Дональд Трамп егер Қытай Американың кедендік баж салығына қарсы қарымта әрекетінің күшін жоймаса, Вашингтон Қытайға қарсы екі есе салық салатынын мәлімдеді.
Еуразия Тудейдің хабарлауы бойынша АҚШ Президенті Дональд Трамп Truth Social әлеуметтік желісіндегі жазбасында Қытай жуырдаға қарымта салық салу шешімінен бас тартпаса, Вашингтон ертең, сәрсенбі күні Бейжіңге қарсы елу пайыз мөлшеріндегі жаңа баж салығын енгізетінін ескертті.
Трамптың мәлімдемесіне сәйкес, Қытай кеше амеркиалық тауарларға 34 пайыздық баж салығын енгізді. Оның айтуы бойынша бұл әрекет ұзақ мерзімді сауданы теріс пайдалану, соның ішінде заңсыз субсидия бөлу, қаржылай емес баж салығы және валюта бағамын қолмен түзету сынды бір топ шарамен бір мезгілде жүзеге асырылды.
Америка президенті бұл әрекет оның алдыңғы ескертуіне қарамастан жасалғанын баса айтып: «Қарымта әрекетке баратын кез келген мемлекет АҚШ тарапынан қатаңырақ, ауқымдырақ салықтармен бетпе бет келеді», — деді.
Трамп сөзінің жалғасында Қытай сәуірдің сегізі, сейсенбіге дейін салықты көбейту райынан қайтпаса, сәрсенбіден бастап осы елге қарсы елу пайыздық жаңа салық салынатынын айтып, қоқан-лоққы жасады.
Ол сонымен қатар Қытаймен ресми кездесулер туралы барлық келіссөздің тоқтайтынын, АҚШ байланыс орнатуды қалайтын басқа елдермен келіссөздерді бастайтынын айтып, қорқытты.
Вашингтон мен Бейжің арасындағы бұл шиеленіс бірінші рет емес.
Екі ел арасындағы тариф соғысы Трамптың президенттігінің бірінші мерзімінде де АҚШ-тың сауда саясатының басты бағыттарының біріне айналған болатын.












