Ыстамбұл қаласында Түркия СІМ Хакан Фиданның төрағалығымен Ислам ынтымақтастығы ұйымының Сыртқы істер министрлері кеңесінің 51-ші сессиясы өтеді.
Еуразия Тудейдің Анадолу агенттігіне сілтеме жасап хабарлауы бойынша, шара “Өзгермелі әлемдегі Ислам ынтымақтастық ұйымы” тақырыбымен 21–22 маусым күндері өтеді.
Түркия Сыртқы істер министрлігіндегі дереккөздерден алынған ақпаратқа сәйкес, кездесуге 40-тан астам елдің Сыртқы істер министрлері, ИЫҰ-на мүше 57 мемлекеттен, бақылаушы елдерден және басқа да халықаралық ұйымдардан жалпы саны мыңға жуық делегат қатысады.
Хакан Фидан шарада Камерун Сыртқы істер министрі Лежен Мбелла Мбелланың төрағалығын қабылдап, кіріспе сөз сөйлейді.
Сондай-ақ, форумға Түркия Президенті Режеп Тайып Ердоған қатысады.
Шара барысында халықаралық қауіпсіздік, исламофобия мен діни құндылықтарды қорлауға қарсы күрес тақырыптарына ерекше назар аударылып, Израильдің Иранға әскери соққысына қатысты арнайы сессия өтеді.
Отырыс қорытындысы бойынша Ыстамбұл декларациясы мен ИЫҰ-ның күн тәртібіндегі негізгі мәселелер, соның ішінде Палестина мен Газа секторы бойынша тиісті шешімдер қабылдау жоспарлануда.



















