Еуропалық Одақ Украинаға қаржылай және әскери көмек көрсетуді мақұлдамаған Венгриямен соңғы кездесу өткізеді.
Reuters агенттігінің хабарлауынша, Еуропалық одақ лидерлері бейсенбі, 1 ақпан күні осы мәселені талқылау мақсатында саммитке жиналады.
Егер ЕО-ның барлық 27 елінің басшылары жиналған төтенше саммитте Венгрия Премьер-министрі Виктор Орбан Киевке жәрдем беру пакетіне тағы вето жарияласа, Брюссель Венгрия экономикасына соққы беруі ықтимал.
Бүгінде Украина өз экономикасын ұстап тұру үшін қолдауды қажет етуде.
Бірақ Венгрия Премьер-министрі Виктор Орбан Украинаға 54 миллиард доллар көлемінде қолдау көрсету пакетіне қарсылық танытып отыр.
Енді осы аптада Брюссельде Украина болашағы үшін маңызды кездесу өтеді.
Желтоқсан айында Орбан Киевке көмек беруді мақұлдамағаннан кейін Еуропалық одақтың 27 елінің мемлекет және үкімет басшылары осы бейсенбіде қайтадан жиналайын деп отыр.
Жалпы Еуропалық одақтың 26-ы елі Украинаға қаржы беруге қарсы емес, тек Венгрия ғана қарсылық танытып отыр.
Киевке 54 миллиард доллар көлемінде көмек көрсету туралы шешімді Еуропалық одаққа мүше 27 елдің барлығы бірауыздан қабылдауы қажет.
Еуропалық одақтың 2027 жылға дейінгі бюджеттік жоспарларының бір бөлігі Украинаға қаржылай көмек беру болып табылады.
Еуропалық одақ деректеріне сәйкес, соғыс басталғалы бері Украинаға Еуропалық одақ тарапынан шамамен 85 миллиард еуро көмек көрсетілген.
40 миллиард еуро Украина экономикасын қолдауға бөлінсе, шамамен 27 миллиард еуро әскери көмекке жұмсалған.
Қалған сомасы соғыстан қашқан украиндықтарға көмек ретінде жұмсалған.
Жалпы, комиссия Будапешті ынтымастыққа көндіру мақсатында Венгрияға бөлінген 20 миллиард еуроны күш біріктіру қорларынан және пандемиядан кейінгі көмектен ұстауды жалғастыра алады.












