Еуропадағы спорт саласындағы ең маңызды мекемесі сионистік режимді шеттетуге әрекет жасауда.
Англияның The Athletic газеті бүгін, сейсенбі күні Израиль режимінің футболына қарсы жасырын әрекеттер туралы жазбасында: «УЕФА ың-шыңсыз Израильді шеттетуді қарастырып жатыр», — деп хабарлады.
Израиль футболы Тель-Авивтің Газаға қарсы соғысы мен геноцидіне байланысты тоқтатыла жаздағанымен ФИФА президенті Джанни Инфантиноның қолдауы және АҚШ-тың ресми түрде атысты тоқтатуы үкімді жойды.
Енді The Athletic басылымы УЕФА ішінде Израильге қарсы төңкеріс Ирландия федерациясының, швейцариялық депутаттың және Пол Погба сияқты көптеген танымал футболшылардың ресми шағымдары түскеннен кейін жасырын түрде жүріп жатқанын әшкереледі.
Басылымның хабарлауынша, УЕФА біліктіліктен айыру туралы заңның орындалуы бойынша құжаттарды қарау үшін Израильге бойкот жасайтын топтармен жабық кездесулер өткізуде.
ФИФА президенті Израильдің қалқаны ретінде танымал. Себебі ол мұның алдында Израильді шеттету мәселесін ФИФА Кеңесінде көтеруге екі рет рұқсат бермеді. Бірақ қазір Сефериннің Инфантиномен қарым-қатынасы нашарлағандықтан, Израиль футболын осы еуропалық мекемеде шеттету қарқынмен жүзеге асырылуда.
Ағылшындық футбол сарапшысы Альтер Скотт УЕФА Израильге қарсы өз бетінше үкім шығара алмайтынын айтады, бірақ ирландиялық футбол сарапшысы Адамс УЕФА заң бойынша ФИФА-ға хабарламай-ақ мүшесінің өкілеттігін уақытша тоқтата алатынын мәлімдеді.
The Athletic басылымының хабарлауынша, УЕФА-ның Израильдің мүшелігін тоқтата тұруы үшін осы елдің бейбіт тұрғындарды қырғынға ұшыратуы, 400-ден астам палестиналық футболшыны өлтіруі, Газадағы футбол инфрақұрылымының 95 пайызын қиратуы және геноцид айыптаулары бойынша құжатты дәлелдері бар және ФИФА бұл дәлелдің барлығына оңайшылықпен көз жұмып қарай алмайды.
Израиль футболының шеттетілуі режимнің спортты ақтауға бағытталған 70 жылдық күш-жігерін бір түнде жойғанмен бірдей саналады.












