Биыл Өзбекстан мен Қырғызстан арасындағы шекарада жаңа кеден бекеті ашылады.
UzA агенттігінің хабарлауы бойынша, Наманган облысында Өзбекстанды Қырғызстанмен байланыстыратын жаңа шекара бекетінің құрылысы басталды.
Екі ел арасында жаңа шекара бекеттерінің ашылуы Өзбекстан президенті Шавкат Мирзиеевтің Қырғызстанға мемлекеттік сапары кезінде жасалған өңіраралық келісімдер, соның ішінде Наманган және Жалалабад облыстары арасындағы өзара тиімді байланыстарды нығайту жөніндегі келісімдер аясында қол жеткізілді.
Шекара бекетінің құрылыс барысымен танысқан Наманган облысының басшысы Шавкат Абдураззаковтың айтуы бойынша, шекара бекетінің ашылуы Учкурган ауданы үшін әлеуметтік-экономикалық маңызы зор.
Кеденнің ашылуы Наманган облысының экономикасын, логистикасын және қызмет көрсету саласын дамыту үшін де қолайлы жағдай туғызады.
Өзбекстанды Қырғызстанмен байланыстыратын Учкурган шекаралық кеден бекеті Учкурган ауданындағы Бустон маңында орналасқан.
Қырғыз тарапы Жалалабад облысында Кенгсай кеден бекетін салуда.
Учкурган және Кенгсай шекаралық кеден бекеттері 2024 жылы пайдалануға беріледі деп жоспарланған.
Айта кетсек, Өзбекстан мен Қырғызстан арасындағы шекара ұзындығы 1314 шақырымды құрайды. Екі ел шекарадағы даулы аймақтарға 2023 жылғы қарашада нүкте қойды. Осылайша, былтыр Қырғызстан мен Өзбекстан екі ел арасындағы шекараны анықтау процесін аяқтады.












