Өзбекстан Президенті, осы ел Қарулы Күштерінің Жоғарғы Бас қолбасшысы Шавкат Мирзиеев Сурхандариядағы әскери бөлімде болып, ұшқышсыз ұшу аппараттарын қолдану деңгейі және маңыздылығымен танысты.
Сапар барысында оқу ғимараттары, рухани-ағарту кабинеттері, спорт залы қаралып, шекараны қорғауда қолданылатын әскери техника мен қару-жарақтар таныстырылды.
Сондай-ақ, Президентке Түркияның ұшатын Bayraktar TB2 ұшқышсыз соққы жедел-тактикалық ұшағы көрсетілді. Сапар барысында ел қауіпсіздігін қамтамасыз ету үшін ұшқышсыз ұшатын аппараттарды шығару және оларды енгізу мәселелері талқыланды.
Әңгімелесу барысында Қарулы Күштердің әлеуетін дамытудың, материалдық-техникалық базаны, жеке құрамның дайындығын нығайтудың маңыздылығы, сондай-ақ заманауи қару-жарақ жүйелері мен ұшқышсыз ұшу аппараттарын басқару және техникалық қызмет көрсету мәселелері баса айтылды.
ӨР Жоғарғы Бас қолбасшысы көрсеткен нәтижелерге қанағаттанатынын айтып, Өзбекстанның тұрақтылығы мен қауіпсіздігін қамтамасыз ету үшін әскери-техникалық әлеуетті одан әрі дамыту қажеттігін атап өтті.
Дереккөзі: tafsilar.info












