Пәкістандағы Қазақстан Елшісі Ержан Қыстафин осы елдің Қорғаныс комитетінің төрағасы Мушахид Хусейн Саидпен кездесті.
ҚР СІМ баспасөз қызметінің хабарлауы бойынша Қазақстанның Пәкістандағы Елшісі Ержан Қыстафин Қорғаныс комитетінің төрағасы, сенатор Мушахид Хусейн Саид мырзамен кездесті.
Кездесу барысында Елші Қазақстан-Пәкістан қарым-қатынасының ағымдағы екіжақты күн тәртібі, өткен және жоспарланған іс-шаралар туралы хабардар етті.
Сенатор М.Х. Саид Елшілік жүргізіп жатқан жұмысты жоғары бағалап, Қазақстанмен ынтымақтастық Пәкістан үшін ерекше маңызды екенін айтты.
Тараптар парламентаралық диалогты дамытудың ерекше маңыздылығын және үкімет деңгейде ынтымақтастықты ілгерілетуге көмектесетін екі елдің заң шығарушылары арасындағы байланысты нығайту қажеттігін атап өтті.
Келіссөздер нәтижесінде Қазақстан мен Пәкістанның ынтымақтастығына арналған іс-шараны өңірлік форматта ұйымдастыру туралы келісімге қол жеткізілді.



















