Париж бен Алжир арасындағы дипломатиялық дау ушығып, Франция қарымта әрекетте лмақ мақсатта алжирлік дипломаттарды елден шығарды.
Франция Сыртқы істер министрі де екіжақты қарым-қатынасқа толығымен тосқауыл қойылғанын мәлімдеді.
Еуразия Тудейдің хабарлауы бойынша, Франция Сыртқы істер министрлігі кеше, сәрсенбі күні алжирлік жоғары дәрежелі дипломатты шақырып, оған Алжирдің Францияның 15 қайраткерін елден шығару шешіміне жауап ретінде Париждің визасыз дипломатиялық паспорттары бар алжирлік дипломаттарды елден шығаратынын хабарлады.
Франция Сыртқы істер министрлігі Алжирдің уақытша сенімді өкілін шақырғаннан кейін жариялаған мәлімдемеде: «Франция жағдайдың қалай өрбігеніне байланысты қосымша шара қабылдау құқығын өзіне қалдырады», — деді.
Мәлімдемеде депортацияланған адамдардың саны айтылмаған.
Францияның бұрынғы колониясымен қарым-қатынасы күрделі болғанына біршама уақыт болды. Алайда былтыр Франция президенті Эммануэль Макрон Марокконың даулы Батыс Сахара аймағына қатысты ұстанымын қолдап, Алжирді ашуландырған кезде жағдай нашарлады.
Өткен айда Франция Сыртқы істер министрі Жан-Ноэль Барро Алжирге барғаннан кейін шиеленіс уақытша бәсеңдегенімен бір аптадан кейін дипломатиялық қуғын-сүргін қарым-қатынасты тағы шиеленістірді.
Алжирдің ресми ақпарат агенттігі (APS) дүйсенбі күні Францияның уақытша сенімді өкіліне осы елдің 15 дипломатының заңсыз жағдайда жүргені, олардың шығарылатыны хабарланғанын мәлім етті.
Сондай-ақ, Францияның сыртқы істер министрі кеше, сәрсенбі күні BFM TV телеарнасына берген сұхбатта Алжирмен екіжақты қарым-қатынас қазір толығымен тығырыққа тірелгенін айтты.












