Ресей Президенті Владимир Путин Кремльде АҚШ Президентінің арнайы өкілі Стивен Уиткоффты қабылдады.
Еуразия Тудейдің Кремльдің баспасөз қызметіне сілтеме жасап хабарлауы бойынша Ресей Президенті Владимир Путин Мәскеуде АҚШ Президентінің арнайы өкілі Стивен Уиткоффты Кремльде қабылдады.
РИА Новости агенттігіндегі мәліметке сәйкес, Президенттің көмекшісі Юрий Ушаков Владимир Путин мен АҚШ президентінің арнайы өкілі Стивен Уиткофф кездесуде Украина дағдарысын талқылағанын хабарлады.
Ресей мемлекет басшысының көмекшісі Юрий Ушаков: «Егер (талқыланған) тақырыптарды атайтын болсақ, онда бірінші кезекте, әрине, бұл Украина дағдарысы. Ал екінші тақырып — АҚШ пен Ресей арасындағы стратегиялық ынтымақтастықтың ықтимал даму перспективалары. Атап айтқанда, президент Путин АҚШ-на Украина мәселесі бойынша кейбір сигналдарды беріп, Дональд Трамптан Уиткофф арқылы ұқсас сигналдар алды «, — деді.
Бүгін тамыздың алтысы күні Владимир Путин Кремльде Уиткоффпен келіссөз жүргізді. Сұхбат үш сағаттан астам уақытқа созылды. Келіссөздерге Ушаков пен Ресейдің тікелей инвестиция қорының басшысы Кирилл Дмитриев қатысты.












