Америкалық Washington Post газеті бүгін, сәрсенбі күнгі материалында Трамптың келіссөздер кезінде Иранға шабуыл жасау үшін жоспар құрумен айналысқанын әшкереледі.
Еуразия Тудейдің хабарлауы бойынша Washington Post газеті хабардар дереккөзіне сілтеме жасап, үстіміздегі жылдың жазында Израильдің Иранға жасаған шабуылдарындағы он екі күндік соғыстың егжей- тегжейінің бірқатарын таратып жазған материал жариялады.
Washington Post газетінің мәліметі Дональд Трамп ядролық келіссөздермен бір мезгілде Израильмен Иранға шабуыл жасау үшін барлау және операциялық салалардағы серіктестікті арттырғанын көрсетті.
Осы газет сонымен қатар Израиль премьер-министрі Бениямин Нетаньяху Дональд Трамп президенттігінің екінші кезеңі басталғанда онымен кездесіп, оған Иранға қарсы операцияларды жүзеге асыру туралы төрт нұсқа ұсынғанын жазды.
Нетаньяху бастапқыда Трампқа Израиль жалғыз шабуыл жасаған жағдайдағы операциялардың қалай жүретін тәсілін түсіндірген.
Екінші нұсқада Израиль Америкадан аздаған көмек алу арқылы операцияларға жетекшілік етуді өз мойнына алатын болған.
Үшінші нұсқа бойынша осы екі одақтас Иранға қарсы шабуыл барысында бір-бірімен толық серіктестік және үйлесімде болуы керек екен.
Соңғы нұсқада шабуылды Америка басқаратын болған.
Сол кезедсуден кейін екі тарап арасында стратегиялық қарқынды жоспарлау жұмыстары басталған. Washington Post газетінің жазуы бойынша Трамп Иранмен ядролық дипломатияға мүмкіндік бермек болғанымен, Израильмен ақпарат алмасып, операциялық бағдарлама жасауды да жалғастырған.
Хабардар дереккөзі Израиль Иранмен дипломатияны да әлемдегі қоғамдық пікірді қанағаттандыру үшін маңызды санаған.












