Иран Сыртқы істер министрі Аббас Арақчи Оңтүстік Кавказ бойынша 3+3 форматындағы аймақтық консультативтік платформасының кезекті отырысына қатысу үшін Түркияның Ыстамбұл қаласына келді.
Еуразия Тудейдің ИРНА агенттігіне сілтеме жасап хабарлауы бойынша, Оңтүстік Кавказ бойынша 3+3 форматындағы аймақтық консультативтік платформасының үшінші кездесуі бүгін, 18 қазанда Ыстамбұлда өтеді.
Иран Сыртқы істер министрі Аббас Арақчи осы кездесуге қатысу үшін Иран делегациясын бастап бүгін, жұма күні таңертең Түркияға келді.
Иран Ислам Республикасының Газа секторы мен Ливандағы соңғы оқиғаларға қатысты аймақтық және дипломатиялық кеңесулері аясында Арақчи бұған дейін Ливанға, Сирияға, Сауд Арабиясына, Қатар, Ирак, Оман, Иордания және Мысырға барып, осы елдердің жоғары лауазымды тұлғаларымен Израиль режимінің аймақтағы қылмыстарын тоқтату күш-жігерлері туралы келіссөздер жүргізді.
3+3 форматындағы отырысқа Иран, Әзірбайжан, Армения, Ресей және Түркия Сыртқы істер министрлері қатысады.



















