Израильдің Ұлттық қауіпсіздік министрі Итамар Бен-Гвир мұсылмандарды азанға шақыратын мешіттердегі барлық дауыс зорайтқышты алып тастауды бұйырды.
Еуразия Тудейдің Turknws арнасындағы мәліметке сілтеме жасап хабарлауынша Израиль министрінің айтуынша, азан дауысы Израиль тұрғындарының «мазалайды». Егер мешіттер тыйымға қармастан азан шақыруға батылы барса, оларға ірі көлемде айыппұл салынады.
Сонымен қатар полиция дауыс зорайтқыштарды тәркілеу үшін мешіттерге басып кіретін өкілеттікке ие.
Бен-Гвир Беньямин Нетаньяху кабинетінің ең радикалды мүшелерінің бірі саналады.
trtrussian.com сайтындағы мәлімет бойынша Бен-Гвир Израильдің 12 арнасына берген сұхбатында: «Мен Израиль халқы үшін қауіп төндіретін мешіттер мен басқа да көздерден келетін негізсіз шуды тоқтату саясатын алға жылжытқанымды мақтан тұтамын», — деді.
Израильдің мұсылман халқы Бен-Гвирдің бұйрығын арандатушылық ретінде қабылдады.
Ислам қауымдастығының өкілдері Тель-Авивтің ұзақ уақыт бойы мұсылмандарға төзімділік танытпайтын саясат ұстанып келе жатқанына назар аударды.
Сарапшылар полицияның мешіттерге кіру әрекеті жаппай тәртіпсіздік пен зорлық-зомбылықтың өршуіне әкелуі мүмкін екенін ескертті.












