Иран Президенті Масуд Пезешкиан елі қорғаныс қабілетін ешбір елдің басып кіруге батылы жетпейтіндей дамытып жатқанын айтты.
Еуразия Тудейдің хабарлауы бойынша, Президент Пезешкиан Иранның қорғаныс қабілеті мен ғарыштық технологияларын дамытудың соғысқа арналмағанын, керісінше, ешбір елдің Иран аумағына қол сұғуға батылы бармауы және бұл туралы тіпті ойламауы үшін жасалатынын мәлімдеді.
Пезешкиан кеше таңертең Иранның Ұлттық ғарыштық технологиялар күні Қорғаныс және қарулы күштерді қолдау министрлігінің қорғаныс және ғарыш салаларындағы соңғы жетістіктері көрмесіне қатысып: “Бүгінгі таңда қорғаныс және ғарыш саласындағы жетістіктер Иран халқына мақтаныш пен абырой әкелетін ел жастары мен мамандарының қабілеттерін, жаңашылдығы мен шығармашылығын көрсетеді.
Бір кездері дұшпандардың елімізге басып кіруі мүмкін еді. Бүгінде ел жастарының, сарапшылары мен мамандарының күш-жігерімен қол жеткізілген Иранның жоғары әскери және қорғаныс қуатының арқасында олардың енді Иран аумағына басып кіру туралы ойларына да кірмейді”,- деді.
Пезешкиан сөзінің жалғасында елдің қорғаныс қуатын дамыту жалғасатынын және Иранның жер атмосферасынан тыс ұшуларды жүзеге асыратын елдер арасынан өз орнын алатынын баса айтты.
Иран Президенті: “Дұшпандардың біздің тәуелсіз болуымызға кедергі жасау әрекеттеріне қарамастан, бұл біздің білім мен мүмкіндіктерге қол жеткізуімізге түрткі болды. Бүгінде Иран өзінің дарынды жастары мен мамандарының арқасында өзіне қажет әскери өнімдерді мақтанышпен шығарады, тіпті экспорттайды”, — деді.












