Польшада кеше, 28 тамыз күні F-16 жойғыш ұшағы әуе шоуына дайындық барысында апатқа ұшырады.
Еуразия Тудейдің хабарлауы бойынша, оқиға осы демалыс күндеріне жоспарланған халықаралық әуе шоуға дайындық кезінде орын алды.
Польшаның PAP ақпарат агенттігінің мәліметінше, оқиға елдің орталық бөлігіндегі Радом қаласында болған.
Польша Үкіметінің баспасөз хатшысы Адам Шлапка: “Радом қаласында қайғылы оқиға орын алды. Әуе шоуына дайындық кезінде F-16 жойғыш ұшағы апатқа ұшырады. Өкінішке орай, ұшқыш қаза тапты”, — деді.
Польшаның Қорғаныс министрі Владислав Косиняк-Камыш оқиға орнына барғандығы туралы әлеуметтік желіде мәлімдеп, оқиғаның Әуе күштері мен бүкіл Польша армиясы үшін үлкен қайғы екенін айтты.
Әуе апатының нақты себептері әзірге анықталған жоқ.



















