Каспий маңы елдерінің Ресейдегі елшілері Ресей Сыртқы істер министрі Сергей Лавровпен кездесіп, Тегерандағы саммитке дайындық барысын талқылады.
Еуразия Тудейдің хабарлауы бойынша, Каспий маңы мемлекеттерінің елшілері Ресей Сыртқы істер министрі Сергей Лавровпен кездесіп, кең ауқымды мәселелерді, соның ішінде Тегерандағы Каспий маңы мемлекеттері басшыларының саммитіне дайындық барысы мен басқа да жоғары деңгейдегі іс-шараларды талқылады.
Сонымен қатар, тараптар Каспий маңындағы бес елдің ынтымақтастығы аясындағы өзара іс-қимылды одан әрі тереңдетуге, соның ішінде мемлекет басшылары мен министрлер деңгейіндегі кездесулерге дайындыққа баса назар аударды.
Иран елшісі Казем Джалали кеше, дүйсенбі күні Ресей Федерациясының Каспий теңізі істері жөніндегі өкілі Николай Удавиченкомен де Ресей Сыртқы істер министрлігінің ғимаратында кездесіп, келіссөз жүргізді.
Келіссөз барысында тараптар екі ел арасындағы достық қарым-қатынастың жоғары деңгейін қуаттап, өңірдегі қазіргі жағдай туралы пікір алмасты. Әсіресе Каспий теңізіне қатысты мәселелер мен алдағы іс-шараларға, соның ішінде Каспий маңы елдерінің Гиланда өтетін алғашқы халықаралық губернаторлар саммиті мен Тегеранда өтетін Каспий маңы мемлекеттері басшыларының жетінші кездесуіне ерекше назар аударды.


















