Біріккен Ұлттар Ұйымы сионистік режимді «Ғазадағы балаларға қасақана шабуыл жасайды» және оларды «геноцидке ұшыратты» деп айыптап, сионистердің Ғаза мен Иордан өзенінің батыс жағалауында әскери қылмыс жасап жатқанын әшкереледі.
Еуразия Тудейдің әл-Маядин агенттігіне сілтеме жасап хабарлауы бойынша Біріккен Ұлттар Ұйымының инспекторлары баяндамаларында сионистік режимді палестиналық балаларды «қасақана нысанаға алды» деп айыптап, бұл әрекетті Ғаза секторында жалғасып жатқан геноцидтің негізгі факторы деп атады.
БҰҰ-ның Тәуелсіз халықаралық тергеу комиссиясы палестиналық балалардың сионистік режимнің қауіпсіздік күштері тарапынан әдейі нысанаға алынғаны және өлтірілгені туралы дәлелдер тапқанын мәлімдеді.
Комиссия бұл әрекетті Израиль билігі мен қауіпсіздік күштерінің Ғазадағы палестиналықтардың басым бөлігін жою мақсатындағы геноцидтік ниетін дәлелдейтін негізгі фактор деп атады.
Баяндамада сионистік режимнің палестиналық балаларды әдейі нысанаға алуы Ғаза мен басып алынған Иордан өзенінің батыс жағалауында әскери қылмыстардың жасалуына соқтырғаны айтылған. БҰҰ-ның осы зерттеуіне сәйкес, Ғазадағы соғыс құрбандарының шамамен 30 пайызы — балалар.
БҰҰ сионистік режимнің Ғазада геноцид жасағанын баса айтып, бұл әрекеттерге осы режимнің жоғары лауазымды басшылары, соның ішінде Беньямин Нетаньяху арандатқанын мәлімдеді.
БҰҰ тергеуі 2023 жылдың 7 қазанынан 2025 жылдың 7 қазанына дейінгі аралықта Ғазада сионистік режим тарапынан кем дегенде 20 179 баланың қаза тапқанын дәлелдейді.
Сондай-ақ, баяндамада сионист әскерилер Ғазаның халық тығыз орналасқан тұрғын аудандарында ауқымды зардап әкелетін қару-жарақтарды қолданды деп айыпталып, балалардың жаппай нысанаға алынғаны, себебі Израиль күштері бүкіл бейбіт тұрғындарды ХАМАС-пен байланысты деп есептейтіні жазылған.
Комиссияның мәлімдеуінше, Тель-Авивтің Ғазада таңған жағдайы балалардың денсаулығы мен дамуына үлкен зиян келтірді. Израильдің Ғазадағы денсаулық сақтау және репродуктивті орталықтарға жасаған шабуылдары жаңа туған нәрестелердің аман қалуына да кері әсерін тигізді.
Сонымен қатар, баяндамада Құдыс пен Иордан өзенінің батыс жағалауында палестиналық балаларға қарсы қоныстанушылардың зорлық-зомбылығы күрт артқаны атап өтілді.
Палестиналық балалар, әсіресе ұл балалар, сионистік режимнің тергеу изоляторлары мен түрмелерінде жүйелі түрде қатыгездікке ұшырайды. Ал ұстау орындарында балаларға қатыгездік көрсету адамзатқа қарсы қылмыс болып саналады.












