Ормұз бұғазында тағы екі танкер теңізде минаға соғылып, жарылды.
Иран Ислам революциясы сақшылар корпусының қоғаммен байланыс бөлімі Ормұз бұғазында тағы екі танкердің теңізде минаға соғылып, жарылғанын хабарлады.
ИРСК қоғаммен байланыс бөлімі мынадай мәлімдеме жасады: «Бірнеше сағат бұрын америкалық офицерлердің тікелей бағыттауымен және басқыншы әрі қарақшы АҚШ армиясы жойғыш ұшақтарының қолдауымен оңтүстік бағыт арқылы заңсыз өтуге әрекеттенген екі мұнай танкері теңізде минаға соғылып, бірнеше жойқын жарылыстан кейін Ормұз бұғазының аспаны өрттен кейін бірнеше сағат бойы лаулап тұрды.
Ереже бұзған бұл екі танкер алдыңғы екі танкерден сәл алшақ жерде жарылды.
Сонымен кешеден бері Ормұз бұғазында өртеніп, суға батқан танкерлердің саны алтауға жетті. Танкерлердің жарылысы салдарынан Ормұз бұғазының бүкіл жағалауы мен сулары ластанды.
Біздің жазалау шараларымыз — америкалық қарақшы армияның заңсыз қоршауы мен Ормұз бұғазындағы ирандық ережелерді бұзуына берілген жауап. Ереже бұзған танкерлерге қатаң шара қолданылатын болады. Мұнай компанияларының иелеріне Ормұз бұғазында орнатылған оңтүстік-америкалық бағыттың отты мина қабырғаларымен қоршалғанын ескертеміз. АҚШ әскери басшыларының өтірігіне сену және олармен ынтымақтастық жасау сіздерді оттың құрбанына айналдырады».












