Астана медицина университеті 2023 жылғы 6-8 қыркүйекте Қазақстан Республикасы Денсаулық сақтау министрлігінің қолдауымен Израилдің Ариэль университетімен бірлесіп «21 ғасыр академиясы: медициналық білім, ғылым және практика авангардында» халықаралық саммитін өткізеді.
Саммитке әлемнің түкпір-түкпірінен келген университеттер мен ғылыми ұйымдардың академиялық көшбасшылары мен ғалымдары жиналып, медицина саласы бойынша ұсыныстар әзірлеу, жаңа бастамаларды қалыптастыру, идеялармен алмасу және ынтымақтастықты нығайту мақсатында 21 ғасырдағы медициналық білім берудің, ғылым мен практиканың жаһандық мәселелері мен сын-қатерлерін шешуге бағытталған идеялармен бөліседі.
Саммит бағдарламасына пленарлық және секциялық отырыстар, негізгі баяндамашылармен (спикерлермен) панельдік пікірталастар, дәрістер, шеберлік сыныптары, дөңгелек үстелдер кіреді.
Саммит шеңберінде сондай-ақ жас ғалымдар форумын өткізу, цифрлық оқыту, Big Data in Medicine, академиялық ортадағы әйелдердің көшбасшылығы, фармацевтикалық кластерлерді дамыту, дәрі-дәрмекпен қамтамасыз ету мәселелері бойынша тақырыптарды талқылау жоспарлануда.
Сондай-ақ, бағдарламаның шеберінде Қазақстандағы ғылыми зерттеулерді қаржыландыратын ұйымдармен кездесулер, университеттер мен ғылыми зертханаларға бару, медицина саласындағы ғылыми жетістіктер көрмесі жоспарланған.


















