Мемлекет басшысы Қасым-Жомарт Тоқаевтың шақыруымен 1-3 қазан күндері Астанаға Мажарстан Президенті Тамаш Шуйок ресми сапармен келеді.
Еуразия Тудейдің хабарлауы бойынша сапар аясында президенттер келіссөз жүргізіп, Қазақстан мен Мажарстан арасындағы стратегиялық серіктестікті нығайту перспективасын талқылайды.
Сондай-ақ Қасым-Жомарт Тоқаев пен Тамаш Шуйок Digital Bridge 2025 халықаралық форумының пленарлық отырысына қатысады.
Айта кетейік, Мажарстан Қазақстанның тәуелсіздігін алғашқылардың бірі болып мойындады. Еуропадағы Қазақстанның алғашқы елшілігі осыдан 30 жыл бұрын Будапешт қаласында ашылған болатын. Мажарстан – Қазақстанның жақын одақтасы. Сонымен қатар бізбен стратегиялық серіктестік орнатқан Орталық және Шығыс Еуропа аймағындағы жалғыз ел.
Екі елді саяси және экономикалық мүдделер ғана емес, ортақ тарихи тамырлар, туыстық және бауырластық қатынас та біріктіреді.












