«Авраам Линкольн» авианосец тобы қазір Иранның оңтүстік-шығысындағы Чабахар портынан шамамен 1400 шақырым қашықтықта орналасқан.
Еуразия Тудейдің хабарлауы бойынша әскери барлау саласындағы сенімді дереккөзі Fars ақпарат агенттігіне АҚШ Әскери-теңіз күштерінің «Авраам Линкольн» авианосец тобы, оған ілесіп жүрген жойғыш кемелер мен сүңгуір қайықтар қазіргі уақытта Аден шығанағына жақын жерде, Йеменнің оңтүстігіндегі Сокотра аралының шығыс бөлігінде орналасқанын хабарлады.
Осы дереккөзінің айтуынша, аталған авианосец тобы бүгінде Иранның оңтүстік-шығысындағы Чабахар портынан шамамен 1400 шақырым қашықтықта орналасқан.
Соңғы күндері Иран АҚШ-тың шабуылдары Батыс Азияны өңірлік соғыс қаупіне тіреп, әлемде мұнай бағасының 150 доллардан асуына әкеп соғатынын ескерткен болатын. Сондай-ақ, кеше Иран Қарулы Күштері Бас штабының бастығы, генерал-майор Мусави Иранның әскери доктринасы ресми түрде шабуылдаушы сипатқа ие болғанын мәлімдеді.












