Қазақстан Президенті Қасым-Жомарт Тоқаев Елтаңбаға қатысты сыни пікірлер айтылатынын айтты.
Ақорданың хабарлауынша Мемлекет басшысы бұл туралы Атырауда өтіп жатқан Ұлттық құрылтайдың үшінші отырысында сөз қозғады.
Осы мәліметке сәйкес, Президент ұлттық бірегейлігіміздің мемлекеттік рәміздерде айқын көрініс тапқанын, көк туымызда мін жоқ екенін, әнұранымыздың да нағыз ұлттық рухты паш ететінін айтып: «Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек.
Тақырыпқа орай:
Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады», — деді.
Қазақстанның дөңгелек нысанды қазіргі Елтаңбасы ресми түрде 1992 жылы қабылданды.
Елтаңбада шаңырақ, түндік, күлдіреуіштер, уықтар, бес бұрышты жұлдыз, қанатты тұлпар бейнеленген. Төменде ірі әріппен Qazaqstan деп жазылған.










