Біріккен Араб Әмірліктерінің Сыртқы істер министрлігі кейбір қауесеттерді жоққа шығарып, Иранға қарсы басқыншылық науқанына қосылу ниеті жоқ екенін мәлімдеді.
Еуразия Тудейдің хабарлауынша, бұл мәлімдемені БАӘ СІМ соғыс басталғаннан кейін 4 күн өткен соң жасады: «Әмірліктер бұл соғысқа қатысқан жоқ және Иранға шабуыл жасау үшін өз жерін, су айдындарын немесе әуе кеңістігін пайдалануға рұқсат берген жоқ».
Бұл мәлімдеме араб елдерінің бірнеше мәрте берген уәделеріне қарамастан, АҚШ-тың Иранға қарсы шапқыншылықта Парсы шығанағындағы араб елдерінде орналасқан өз базаларын пайдаланып жатқан тұста жасалып отыр.
Сонымен қатар, кейбір бейресми дереккөздері Әмірліктердің Иранға қарсы соғысқа қатысу туралы шешім қабылдағанын алға тартқанымен, Абу-Даби Иранның шабуылдарына қатысты өз ұстанымын өзгерту туралы ешқандай шешім қабылданбағанын баса айтты.
БАӘ Сыртқы істер министрлігінің РИА Новости агенттігіне берген мәлімдемесінде: «БАӘ Иранның бірнеше шабуылына жауап ретінде қорғаныс позициясын өзгерту туралы ешқандай шешім қабылдамағанын баса айтады», — деп айтылған.
Иранның Жоғарғы Ұлттық қауіпсіздік кеңесінің хатшысы Әли Лариджани бұған дейін Иранның аймақтағы елдерге шабуыл жасағысы келмейтінін, АҚШ аумағы санайтын АҚШ базаларына шабуыл жасап жатқанын, олар Вашингтонның бақылауында болғанша солай істей беретіні, Иранның шабуылдары Израильдің әскери нысандарына бағытталғанын мәлімдеді.
Айта кетейік, 28 ақпанда АҚШ пен Израиль Тегеранды қоса алғанда, Ирандағы нысандарға шабуыл бастады. Иран қарымта әрекетте Израиль аумағына, сондай-ақ Таяу Шығыстағы АҚШ-тың әскери нысандарына шабуыл жасауда.












