АҚШ Мемлекеттік хатшысы Энтони Блинкен осы демалыс күндері Таяу Шығысқа сапармен барып, Газадағы жағдай бойынша мәселені талқылайды.
Рbs.org агенттігінің мәліметінше, бұл Энтони Блинкеннің Израиль мен Хамас арасындағы қақтығыс басталғаннан бергі төрт ай ішінде Таяу Шығысқа бесінші сапары болмақ.
Энтони Блинкен сапар барысында кепілге алынған адамдарды босату және Израиль мен Хамас арасындағы соғыс қимылдарын тоқтату туралы келіссөздер жүргізеді деп күтілуде.
АҚШ Мемлекеттік хатшысының сапары атысты тоқтату және кепілге алынған адамдарды босату туралы пікірталастардың күшеюіне, сондай-ақ аймақтық қақтығысқа қатысты алаңдаушылықтың артуына байланысты орын алып отыр.
Бұған дейін АҚШ Мемлекеттік хатшысы Энтони Блинкен Таяу Шығысқа төрт рет сапар шегіп, Израильге, Батыс жағалауға, Түркияға, Грекияға, Иорданияға, Катарға, Араб Әмірліктеріне, Сауд Арабиясына, Мысырға барып, Израиль мен Хамас соғысына қатысты мәселені талқылаған болатын.
Сондай-ақ, осы аптада Энтони Блинкен Израильдің Батыс жағалаудағы бейбіт тұрғындарға қатысты зорлық-зомбылығын тоқтату және оған жауапты адамдарға шара қолдану үшін көбірек жұмыс жасау қажеттігін айтты.
Айта кетсек, бейсенбі күні Джо Байден Иордан өзенінің батыс жағалауындағы зорлық-зомбылыққа қатысы бар еврей қоныстанушы шенеуніктеріне санкция салуға мүмкіндік беретін жарлыққа қол қойды.


















