Ресей бір ай бойы Біріккен Ұлттар Ұйымының Қауіпсіздік кеңесіне төрағалық етеді.
Еуразия Тудейдің РИА Новости агенттігіне сілтеме жасап хабарлауы бойынша, Ресей 1 қазаннан бастап бір ай бойы Біріккен Ұлттар Ұйымының Қауіпсіздік кеңесіне төраға болады.
Қауіпсіздік кеңесіне төрағалық ай сайын бір елден екінші елге ауысып отырады. Қауіпсіздік кеңесіне 15 мемлекет мүше. Олардың ішінде ұйымға 10 ел тұрақты емес, бес мемлекет тұрақты мүше. Ресей бұл қызметтегі тұрақты емес мүшелердің бірі Корея Республикасын алмастырады. Ресей Федерациясы соңғы рет өткен жылдың шілде айында төрағалық етті.
Біріккен Ұлттар Ұйымы үшін қазан айы айтулы күндерге толы. 24 қазан — ұйымның құрылған күні. 1945 жылы ұйым Жарғысының күшіне енген осы күні БҰҰ-ның құрылуының мерейтойын атап өтеді. Ресей Сыртқы істер министрі Сергей Лавров Мәскеу бұл күні Қауіпсіздік кеңесінің кезектен тыс отырысын өткізуді жоспарлап отырғанын айтты.
Біріккен Ұлттар Ұйымының Қауіпсіздік кеңесі әдетте бір айда әртүрлі тақырыпта және әртүрлі форматта 20-ға жуық отырыс өткізеді.
Қыркүйек айында талқыланған Иранға қатысты шектеулер мәселесі қазан айында жалғасуы мүмкін. Сонымен қатар, Ресей Федерациясының төрағалығы кезінде кеңес Украинадағы, Газа секторындағы қақтығыстарды талқылауды жалғастырады деп күтілуде.
Ресей қараша айында төрағалықты Сьерра-Леонеге өткізеді.



















