Ансаролланың әуежайға жасаған шабуылынан кейін Сауд Арабиясының астанасына әуе рейстері тоқтатылды
Еуразия Тудейдің Sky News телеарнасына сілтеме жасап хабарлауынша, Ансаролла қозғалысы жауапкершілікті өз мойнына алған шабуылдан кейін бірнеше әуе компаниясы Эр-Риядқа қатынайтын рейстерін тоқтатты.
Бейсенбі күні болған шабуылдан кейін Германияның Lufthansa әуе компаниялар тобы, Air India және Үндістанның тағы екі әуе компаниясы Эр-Риядқа ұшатын рейстерін уақытша тоқтатты.
Air India Эр-Риядқа рейстерін 2026 жылғы 10 қазанға дейін, IndiGo ұшуды 2026 жылғы 9 қазанға дейін,
Akasa Air ұшуды 2026 жылғы 10 қазанға дейін уақытша тоқтатты.
Lufthansa Group Эр-Риядқа рейстерін 2026 жылғы 16 қазанға дейін тоқтатты.
Air France және KLM рейстерін 2026 жылғы 24 қазанға дейін тоқтатылған күйде қалдырды.
British Airways рейстерді 2026 жылғы 3 қарашадан бастап қайта бастауды жоспарлап отыр.
Cathay Pacific Эр-Риядқа рейстерін қайта бастауды 2027 жылғы 31 қаңтарға дейін кейінге қалдырды.
Бұған дейін Ансаролла қозғалысы әлемдегі әуе компанияларына Сауд Арабиясының әуе кеңістігі арқылы ұшудың ықтимал салдары туралы ескерту жасап, бұл әуе кеңістігін өзінің әскери операциялар аймағы деп сипаттаған болатын.
Жарылыс дыбыстары естілгеннен кейін көп ұзамай FlightRadar24 ұшу мониторингі жүйесі әуежайдың қайтадан жабылғанын хабарлады.
Куәгерлердің бірі әуежайдан ұшып шығатын рейстер тоқтатылғанын, ал жолаушыларға тіркелген багаждарын қалдырып, әуежайды босату туралы нұсқау берілгенін айтты.
Айта кетейік, Эр-Риядтағы Король Халед халықаралық әуежайы — Сауд Арабиясының негізгі әуе көлік тораптарының бірі. Сондықтан оған жасалған шабуыл немесе әуежай жұмысының тоқтауы халықаралық рейстерге, жолаушылар тасымалына және елдің көлік инфрақұрылымына елеулі әсер етуі ықтимал.
Әуежай 64-тен астам халықаралық және ішкі әуе компаниясымен жұмыс істеп, 121-ден астам бағытқа қызмет көрсетеді.












