БҰҰ Бас хатшысы Антониу Гутерриш Ыстамбұлдағы жер сілкінісіне байланысты Түркия халқына ынтымақтастығын білдірді.
Еуразия Тудейдің Анадолу агенттігіне сілтеме жасап хабарлауы бойынша, бұл туралы Антониу Гутерриш БҰҰ ғимаратында өткізген баспасөз мәслихатында мәлімдеді.
БҰҰ Бас хатшысы баспасөз мәслихатын Ыстамбұлдағы жер сілкінісін еске алудан бастап: “Біз осындай қиын уақытта Түркия мемлекеті және халқымен толық ынтымақтамыз”, -деді.
Айта кетейік, 23 сәуір, сәрсенбі күні Ыстамбұлда магнитудасы 6,2 балдық күшті жер сілкінісі болды. Жер сілкінісінен 151 адам зардап шекті.
Еуропа-Жерорта теңізі сейсмология орталығының мәліметінше, Мәрмәр теңізі маңындағы 6,2 балдық күшті жер сілкінісінен кейін бірнеше сағат ішінде магнитудасы 5,0-ден 1,6-ға дейінгі аралықта бірнеше афтершок болған.
Қайталанған жер сілкінісі Ыстамбұл мен оған жақын орналасқан өңірлерде сезілген.












