Иран Америка Құрама Штаттарымен келіссөздерде шегініс жасамайтынын мәлім етті.
Еуразия Тудейдің хабарлауы бойынша, бұл туралы Иран Ислам Республикасының вице-президенті Исмаил Сақаб Исфаһани мәлімдеді.
Исмаил Сақаб Исфаһани: «Америка Құрама Штаттары Иранға қатысты мақсаттарына әскери жолмен қол жеткізе алмаған соң енді келіссөздер үстелінде өз дегеніне жетуге тырысуда. Алайда Тегеран шегініс жасамайды.
Олар өз мақсаттарының біріне де қол жеткізе алмады. Мұндай жағдайда Америка Құрама Штаттарының келіссөз сұрауы әбден орынды. Қарсылас өзін ұлы держава сезініп, еш нәтиже бермеген соғысқа араласты. Ол әскери қимылдарды үш-төрт күнде аяқтамақ болған еді. Бірақ тығырыққа тірелді. Енді олар ұрыс алаңында қол жеткізе алмаған нәрсеге келіссөз арқылы жетуге әрекет жасап жатыр», -деді.
Исмаил Сақаб Исфаһани елінің келіссөз үдерісінде ешқандай шегініс жасамайтынын баса айтып: «Иранның жауабы айқын. Ұрыс алаңында қабылдамаған нәрсені келіссөз үстелінде де қабылдамайды», -деді.












