Кеше кешке Иран мен Америка Құрама Штаттары арасында қақтығыс болды.
Кеше шығыс Һормозган мен Ормұз бұғазының айналасында Ислам Республикасының Қарулы Күштері мен Америка әскерлері атысып, соның салдарынан қорғаныс жүйелері іске қосылды.
Америкалық бірнеше кеме Ормұз бұғазынан алдын ала келісімсіз өтуге әрекет жасағанда бұл Иран әскери-теңіз күштерінің дер әрі батыл жауабына тап болды.
Бұған дейін Иран бұл стратегиялық маңызды су жолы арқылы өту тек Иран билігімен келісіліп жүзеге асырылуы тиіс екенін ескерткен болатын. Иран күштерімен қақтығыстан кейін америкалық кемелер кері шегініп, қайтуға мәжбүр болды.
Осы әрекеттен кейін америкалықтар әскери базаға оқ жаудырып, өз мәлімдемесінде Иранның аумағын бұзғандарын ресми түрде мойындады. Алайда, америкалық әскерилер мұны атысты тоқтату режимін бұзу деп санамайтындарын мәлімдеді.
Бұдан басқа бүгін таңғы сағат 4:50-де америкалық әскерилердің Бандар-Аббас әуежайының шетіне әуе шабуылынан кейін Ислам революциясының күзет корпусы агрессияның қайнар көзіне айналған басқыншы елдің Кувейттегі әуе базасына шабуыл жасады.
Иран бұл жауапты жау басқыншылығының жауапсыз қалмайтынын білуі үшін жасалған елеулі ескерту деп атап, егер жағдай қайталанса, бұдан да батыл әрекетке баратынын мәлімдеді.
Иранның Кувейттегі Америка базасына жасаған шабуылдарымен бір уақытта бұл ел өзіне қарай атылған зымырандар мен ұшқышсыз ұшу аппараттарына тойтарыс жасап жатқанын мәлімдеді. Американың Кувейттегі базасына келтірілген шығын көлемі туралы әзірге ешқандай ақпарат жарияланған жоқ.
Айта кету керек, 8 мамырда да осыған ұқсас оқиға кезінде Америка Иранның оңтүстігіндегі бірнеше мекенге шабуыл жасаған болатын.
Еске салайық, 2026 жылғы 7 сәуірде Иран мен АҚШ Пәкістанның араағайындығымен екі апталық атысты тоқтату туралы келісімге келді.
Осы уақытта Исламабадта келіссөздер жүргізілгенімен нәтиже бермеді. 21 сәуірде АҚШ президенті Дональд Трамп атысты тоқтату режимін Иран тарапынан ұсыныс жасалып, келіссөздер аяқталғанға дейін ұзартты.












