Әлемдегі ең жүйрік желаяқ, марафоншы, 24 жастағы кениялық спорт жұлдызы Келвин Киптум кеше түнде баспкерімен бірге жол апатынан қайтыс болды.
Ол үлкен марафонға 2022 жылы қатысты. Валенсия марафонында қара үзіп келген Келвинді ешкім танымайтын еді. Бұл оның алғашқы марафоны болатын.
2023 жылы көктемде Лондон марафонын 2:01:25 нәтижесімен жүгіріп өтіп, чемпион атанғанда аңыз марафоншы Элиуд Кипчогеге бәсекелес марафоншының келгенін әлем қауымдастығы жарыса жазды.
2023 жылдың қазан айында Чикаго марафонында әлем рекордтын жаңартқан Киптум мегажұлдызға айналды. 2:00:35 — бұл оның үшінші, һәм соңғы марафоны екен. Жарысқа қатысқан екі жылыдң ішінде әлемді таңғалдырып үлгірген жарық жұлдыз жарқ етіп, ерте сөнді.
Кенияның спорт министрі Абабу Намвамба: «Кения ерекше асыл тасын жоғалтты» деп жазды.
Әлемнің ақпарат құралдары Келвиннің қазасына қайғырып, отандастары мен жанкүйерлеріне көңіл айтып жатыр.











