Ливанның ақпарат көздері бүгін, сәрсенбі күні Ливандағы Аукар аймағында орналасқан Америка елшілігінің маңында атыс болғанын хабарлады. Бұл туралы Америка елшілігі мен Ливан армиясы да мәлімдеме жариялады.
Еуразия Тудейдің ИСНА агенттігіне сілтеме жасап хабарлауынша, Ливан армиясының қолбасшылығы мәлімдемесінде: «Аукар аймағындағы Американың Ливандағы елшілігіне Сирия азаматтығы бар бір адам оқ атты. Осы аймақта орналасқан армия күштері атыс ашқан адамға қарсы қарымта әрекетке барды. Бұл мәселе елшілікке оқ жаудырған адамның жараланып, емханаға жеткізілуіне себеп болды. Қазір оқиғаның анық-қанығын анықтау үшін тергеу амалдары жүргізілуде», — деді.
Ливан армиясының қолбасшылығы мәлімдесінің жалғасында: «Елшілік маңайында орналасқан күштеріміз шабуыл жасалған аумақты тексеріп, аймақтың қауіпсіздігін қамтамасыз ету үшін жұмыс істеп жатыр», — деп қуаттады.
Американың Ливандағы елшілігі де мәлімдемесінде елшіліктің кіреберісі жағында атыс болғаны туралы хабарларды растап, елшілік маңындағы атыстың жеңіл қару арқылы жасалғаны туралы хабарлар болғанын айтты.
Елшілік осы ұйымға бекітілген қауіпсіздік күштері мен Ливан армиясының араласуынан болған оқиғада елшіліктің бас кеңсесі мен қызметкерлері зардап шекпегенін мәлімдеді.
АҚШ елшілігінің мәлімдемесіне сәйкес, тергеу жалғасуда және елшілік басшылығы Ливандағы құқық қорғау органдарымен байланыста.
Ливан премьер-министрі Наджиб Миқати де жағдайды тұрақты деп сипаттап, Америка елшілігіндегі оқиғаның мән-жайын анықтау және атыс ашқандарды ұстау үшін тергеу амалдары басталғанын мәлімдеді.
Ливан арналары, соның ішінде Al-Mayadeen арнасы бұған дейін Америка елшілігі маңында болған атыстың шамамен жарты сағатқа созылғанын, оның дауысы естіліп тұрғанын, Дабиба және Аукар жақтан Америка елшілігіне ұластыратын жолдың жабылғанын хабарлады.


















