Мьянма Ауғанстанды басып озып, әлем бойынша ең ірі апиын өндіруші елге айналды.
Бұл туралы БҰҰ жаңалықтар орталығы хабарлады.
БҰҰ Есірткі және қылмыс жөніндегі басқармасы (UNP) Мьянма қазіргі таңда ең ірі апиын өндіруші ел екенін жазды.
БҰҰ Есірткі және қылмыс жөніндегі басқармасының өкілі Джереми Дугластың айтуы бойынша, 2021 жылғы ақпандағы әскери төңкерістен кейінгі экономикалық ахуал елдің шалғай аудандарындағы фермерлердің өмір сүруі үшін апиын өндіруге итермелеген.
Дуглас Мьянманың Шан штаты мен басқа да шекаралас аудандарда апиын өсіру қаупі бар екендігін ескертеді.
БҰҰ-ның мәліметі бойынша апиын өндірісінің 20 пайыз өсімі есірткі өндірісі және контрабанда орталығы саналатын «Алтын үшбұрыш» деп аталатын Шан штатында тіркелген.
Мьянмада апиынды көкнәр өнімі биылғы жылы 2022 жылмен салыстырғанда 36 пайызға жоғары болған.
Алтын үшбұрыш – Таиланд, Мьянма мен Лоастың таулы аймағында орналасқан географиялық аумақ. Мұнда апиын өндірісі мен көптеген қылмыстық топтар шоғырланған.


















