Сионистік режимнің медиа орталығының мәліметінше, премьер-министр Беньямин Нетаньяху Кабинет министрлеріне соғыс кабинетін таратқаны туралы хабарлады.
Еуразия Тудейдің ISNA ақпарат агенттігіне сілтеме жасап хабарлауы бойынша, Израильдің БАҚ орталығы осы режимнің премьер-министрі Беньямин Нетаньяху Итамар Бен Гвирдің соғыс кабинетіне қосылу туралы өтінішінен кейін министрлер кабинетін таратқанын хабарлады.
Бұған дейін иврит тіліндегі Yediot Aharоnot газеті хабардар дереккөзге сілтеме жасап, Вашингтон Тель-Авив билігіне хабарлама жолдап, Соғыс кабинетінде сионистік режимнің Ішкі қауіпсіздік министрі Итамар Бен-Гвир мен Қаржы министрі Бецалель Йоэль Смотричтің болмауы қажеттігін баса айтқанын жазды.
Сондай-ақ, аталған дереккөз АҚШ Мемлекеттік хатшысы Энтони Блинкеннің олардың Соғыс министрлер кабинетіне кіру мүмкіндігіне алаңдаушылық білдіргенін де хабарлады.
Айта кетейік, Бен-Гвирдің Соғыс кабинетіне ену туралы өтініші Ганц отставкаға кеткеннен кейін жасалды.
Мұның алдында сионистік режимнің соғыс кабинетінің мүшесі Бенни Ганц премьер-министр Биньямин Нетаньяхудың Газа соғысындағы саясатына наразылық білдіріп, министрлер кабинетінен шығатынын ресми түрде жариялаған болатын.
Ганц бұған дейін соғыс кабинетінен соғыстан кейінгі кезеңге арналған жоспар ұсынуды сұрап, кері жағдайда кабинеттен кететінін мәлімдеді. Ол министрлер кабинетіне 8 маусымға дейін уақыт берді. Ганц партиясы өткен аптада сионистік режимнің парламенті Кнессетті тарату және мерзімінен бұрын сайлау өткізу туралы заң жобасын ұсынды.
Осы ретте иврит тіліндегі Yediot Aharonot газеті Беньямин Нетаньяхудың бұл қадамының ішкі қауіпсіздік министрі Итмар Бен Гвир мен режимнің қаржы министрі Бецалель Йоэль Смотричтің осы кабинетке енуді талап етуінен кейін жасалғанын жариялады.
Сионистік режимнің 12 арнасы да Беньямин Нетаньяху кеңесу мақсатында шектеулі кездесулер өткізетінін хабарлады.












