Өзбекстан астанасы Ташкент қаласында Отан қорғаушылар күніне арналған Қарулы күштердің салтанатты әскери парады өтті.
Өзбекстан Қарулы күштерінің құрылғанына 34 жыл толуына және 14 қаңтарда атап өтілетін Отан қорғаушылар күнін мерекелеу аясында кеше, 12 қаңтар күні Ташкент көшелерінде әскери парад ұйымдастырылды.
Парад Әскери қауіпсіздік және қорғаныс университеті маңынан басталып, Әмір Темір алаңында көркемдік қойылымдармен аяқталды.
14 қаңтар — Өзбекстанда Отан қорғаушылар және Өзбекстан Республикасының Қарулы күштері күні.
Отан қорғаушылар күні 1993 жылдың 29 желтоқсан күні Өзбекстан Республикасының жоғары Кеңесінің жарлығымен 14 қаңтар деп жарияланды.












