Моңғолиядан Өзбекстанға 100 мың бас қой-ешкі әкелінеді.
Еуразия Тудейдің хабарлауы бойынша Өзбекстан Президенті қабылдаған Қаулыда әкелінген 100 мың бас ұсақ малға селекциялық асылдандыру жұмыстарын пайдалана отырып, жергілікті жағдайларда өсіру арқылы 2029 жылдың соңына дейін олардың санын 1 миллионға дейін арттыру мақсат етіп қойылды.
Сонымен қатар Қаулыда Моңғолиядан ұсақ мал әкелуге мемлекеттік қолдау көрсетілетіні айтылып: «Кәсіпкерлік субъектілері 2025 жылғы 1 тамыздан 2027 жылғы 31 желтоқсанға дейінгі кезеңде Моңғолиядан Өзбекстанға ұсақ мал әкелу кезінде әуе көлігімен тасымалдау шығындарының 50 пайызы мемлекеттік бюджет есебінен өтеледі. Бұл ретте, осы тармақшада көзделген шығыстарға қажет қаражат Ауыл шаруашылығы министрлігіне Мемлекеттік бюджеттің параметрлерінде шет мемлекеттерден әкелінетін асыл тұқымды ірі қара малды, қой мен ешкіні, асыл тұқымды балық пен тауықты шет мемлекеттерден сатып алуға жұмсалатын шығыстардың бір бөлігін өтеуге бөлінген қаражат шегінде қаржыландырылады», — деп жазылған.
Айта кетейік, бұл Өзбекстан Республикасы Президенті Шавкат Мирзиёевтің үстіміздегі жылғы 24-25 маусымда Моңғолияға мемлекеттік сапары барысында қол жеткізілген келісімдер шеңберінде жүзеге асырылады.












