БАҚ кейбір палестиналық тұтқындардың бостандыққа шыққанға дейін азаптау салдарынан жарақат алғанын хабарлады.
Еуразия Тудейдің хабарлауы бойынша, палестиналық ақпарат көздері Израиль мен Палестинаның қарсыласу қозғалысының тұтқындармен алмасуының төртінші кезеңі аяқталғаннан кейін бостандыққа шыққан тұтқындардың кейбірін түрме күзетшілері бірнеше күн бойы азаптағанын хабарлады.
Жарияланған мәліметтерге қарағанда, олардың кейбіреуінің аяусыз соққыдан қабырғалары сынған.
Тұтқындар клубы басқыншы режимнің босатылған тұтқындарға қарсы ұйымдасқан лаңкестік әрекет жасағанын, сонымен қатар тұтқындардың отбасыларына олармен кездесу ұйымдастыруға тыйым салатынын мәлімдеді.
Рамалла мен әл-Бире губернаторының айтуынша, босатылған 10 тұтқынның жағдайы ауыр болуына байланысты ауруханаларға жеткізілген.
ХАМАС мәлімдемесінде бірнеше палестиналық тұтқынның азаптау салдарынан ауруханаларда емделу үшін басқыншы режим түрмелерінен босатылғанын айтты. Мәлімдемеде түрмедегі палестиналық тұтқындар құқығының жан түршігерлік және тұрақты түрде бұзылуы әскери және адамзатқа қарсы қылмыс болып табылатыны айтылған.
ХАМАС тұтқындар құқықтарының бұзылуына байланысты мұндай әрекеттерді тоқтату және кінәлілерді жауапқа тарту үшін БҰҰ мен құқық қорғау ұйымдарының дереу араласуын талап ететінін мәлімдеді.












