Иран Президенті Масуд Пезешкиан Әзірбайжан телеарнасына берген сұхбатында Иран мен Әзірбайжанды бір-біріне туыс мемлекеттер деп атады.
Еуразия Тудейдің ИСНА ақпарат агенттігіне сілтеме жасап хабарлауы бойынша, Иран Президенті Масуд Пезешкиан Az TV арнасына берген сұхбатында Иран мен Әзірбайжан Республикасының қарым-қатынасын талқылады.
Иран Президенті: «Елдер арасында ынтымақтастық үшін мүмкіндіктер бар. Көрші, бауырлас екі ел не істеуі керек? Біз елдеріміз арасында мықты байланыс орнату үшін бірігіп, бірлесіп жұмыс істей аламыз. Біз университеттер арасындағы қарым-қатынасты дамыта аламыз. Алдағы кездесулерде іскерлік қарым-қатынасты талқылаймыз.
Иран мен Әзірбайжан — бір-біріне туыс. Біз бір-бірімізге көмектесіп, екі елдің халқына бейбіт және бақуатты өмір қалыптастыра аламыз. Өзара сапарлар қарым-қатынастың нығаюына ықпал етеді. Сондықтан өзара сапарларды жеңілдету жолдарын ашу керек»,- деді.
Иран Президентінің Теһранның Бакумен қарым-қатынасын тереңдетуді қалайтыны туралы осы мәлімдемелері ол жақын арада елінің жоғары деңгейлі делегациясын бастап, Әзірбайжан Республикасына ресми сапар шегіп, Әзірбайжан Президенті Илһам Әлиевпен және осы елдің басқа да жоғары лауазымды тұлғалармен кездесетін жағдайда айтылды.












