Иран Президенті Масуд Пезешкиан Рим Папасы Францисктің қайтыс болуына байланысты көңіл айтты.
Еуразия Тудейдің хабарлауы бойынша, Масуд Пезешкианның көңіл айту хатында Рим Папасының әділет пен мейірімді ілгерілетуге үлес қосқан көрнекті рухани тұлға екені айтылған.
Пезешкиан: “Рим Папасы Франциск католиктердің рухани жетекшісі ретінде өмірін бейбітшілік, әділдік, бостандық, дінаралық өзара байланыс және бейбітшілікке, достық пен жаһандық қауіпсіздікке қол жеткізуге бағытталған диалог пен Иса Мәсіхтің ілімдерін түсіндіруге арнады”,- деді.
Пезешкиан жолдауының бір бөлігінде Рим Папасы Францисктің гуманистік ұстанымына назар аударып: “Оның өмірі мен қызметінің ең маңызды тұстарының бірі — гуманистік ұстанымы. Ол Израиль режимінің Газа секторына жасаған геноцид қылмысын айыптап, жазықсыз палестиналық әйелдер мен балаларды өлтіруді тоқтатуға шақырды”, — деп жазды.
Рим Папасы Франциск кеше, 21 сәуір күні таңертең 88 жасында Ватикандағы Әулие Марфа үйіндегі резиденциясында қайтыс болды.



















