Қазақстанда 2024 жылғы 18 қарашадан бастап бизнес-иммигранттар, білікті мамандар және саяхатшылар үшін қолайлы жағдай жасауға бағытталған жаңартылған виза ережелері күшіне енеді.
Еуразия Тудейдің ҚР СІМ-не сілтеме жасап хабарлауы бойынша жаңа өзгерістер «В9» визасы – сұранысқа ие кәсіптер өкілдеріне одан әрі тұрақты тұруға ықтиярхатты ресімдеуге мүмкіндік беретін санатын, тұрақты тұру мүмкіндігін беретін IT мамандарына арналған бір реттік электронды және көп реттік қағаз визасы –Digital Nomad Visa, айына кемінде 3000 АҚШ долларын құрайтын табысты растаған жағдайда ұзақ мерзімді болу құқығын беретін «неономадтар» үшін туристік виза – Neo Nomad Visa-ны қамтиды.
Сонымен қатар «С5» бизнес-визасы үшін талап етілетін құжаттар тізімі айтарлықтай азайып, отбасы қосылуы мақсатында виза алу үшін неке-отбасы қатынасыұзақтығының минималды мерзімі үш жылдан бір жылға дейін қысқартылды.
Бұл шаралар инвестициялық ахуалды жақсартуға, халықаралық ынтымақтастықты дамытуға, білікті мамандарды тартуға және Қазақстанның туристік тартымдылығын арттыруға бағытталған.












