Бүгін, 22 тамызда Қазақстан Республикасының Президенті Қасым-Жомарт Тоқаев мемлекеттік сапармен Тәжікстан Республикасының астанасы Душанбеге келді.
Еуразия Тудейдің хабарлауы бойынша Душанбе халықаралық әуежайында жоғары мәртебелі мейманды Тәжікстан Республикасының Президенті Эмомали Рахмон қарсы алды.
Достас Қазақстан мемлекеті басшысын салтанатты түрде қарсы алу үшін Душанбе халықаралық әуежайының алаңы ұрандар және Тәжікстан мен Қазақстанның мемлекеттік туларымен безендірілді.
Әуежайдағы қысқаша әңгімелесу барысында Тәжікстан Республикасының Президенті Эмомали Рахмон Қазақстан Республикасының Президенті Қасым-Жомарт Тоқаевқа Тәжікстанға келгені үшін қошамет білдіріп, мемлекеттік сапардың нәтижелері екі елдің достығы мен ынтымақтастығын нығайтып, кеңейтуге ықпал ететініне сенім білдірді.












