Тәжікстан Республикасының Президенті Эмомали Рахмон 2023 жылғы 3-4 мамырда Қазақстан Республикасына мемлекеттік сапармен келеді. Бұл туралы 2023 жылғы 25 сәуірде Астанада Тәжікстан Республикасы мен Қазақстан Республикасы арасындағы саяси консультациялардың кезекті раундында белгілі болды.
ТР СІМ хабарлауы бойынша кездесуде тараптар делегацияларын екі ел Сыртқы істер министрлерінің орынбасарлары Содик Имоми мен Ермұхамбет Қоныспаев басқарды.
Тараптар тәжік-қазақ қатынастарының өзекті мәселелерін егжей-тегжейлі қарастырып, екі елдің халықаралық ұйымдар аясындағы өзара іс-қимылы және өңірлік қауіпсіздік мәселелері бойынша пікір алмасты.
Тәжікстан Республикасының Президенті Эмомали Рахмонның 2023 жылғы 3-4 мамырда Қазақстан Республикасына жоспарланған мемлекеттік сапарына дайындық барысына ерекше назар аударылды.



















