Сауд Арабиясындағы Иран елшілігінің есігі Иран мен Сауд Арабиясы арасындағы қарым-қатынастарды қалпына келтіруге арналған жаңа келісімдер негізінде жеті жылдан кейін сәрсенбі, күні қайта ашылды.
Иран мен Сауд Арабиясы арасында ресми қарым-қатынасты қайта бастау және дипломатиялық өкілдікті жандандыру туралы келісімді орындау мақсатында Иран делегациясы сәрсенбі күні Эр-Риядқа барды.
Екі елдің саяси өкілдіктері мен консулдықтарын ашу мақсатында келген Иран делегациясын Сауд Арабиясының басшылары жақсы қарсы алды.
Бұл Иран Ислам Республикасы мен Сауд Арабиясының сыртқы істер министрлері Бейжіңде елшіліктерді қайта ашу және қарым-қатынастарды қалпына келтіру үдерісін талқылау үшін кездескеннен кейін көп ұзамай орын алды.
Өткен сенбіде Сауд Арабиясының дипломаттарынан құралған делегация да Теһранға барған болатын.
Иран мен Сауд Арабиясы арасында екіжақты қарым-қатынасты қайта бастау туралы келісім Батыс Азия аймағында орын алған ең маңызды саяси-дипломатиялық оқиға саналады.
Себебі, Бейжіңде жасалған Теһран – Эр-Рияд келісімі Батыс Азиядағы басқа да қайшылықты істерді АҚШ пен Еуропаның механизмдерінсіз шешуге бастама бола алады.
Қазіргі таңда Иран мен Сауд Арабиясы келісімге келгеннен кейін аймақтағы басқа елдер, соның ішінде БАӘ мен Бахрейн де Иранмен қарым-қатынасты жақсартуды көздеп отыр.
Еске сала кетсек, Сауд Арабиясы мен Иран Ислам Республикасы наурыз айында Қытайдың делдалдығы арқасында 7 жылдан кейін қарым-қатынастарын жандандыруға келісті.



















