Жаңа оқу жылы басталған уақытта тәжік мектептерінде оқулық жетіспейтіні туралы дау ушығып барады. Оқулық жетіспейді деп алаңдаған ата-аналар оқушыларға кітапты басқа жерден іздейміз ба деп алаңдайды.
Шенеуніктер болса оқулыққа қатысты айтарлық мәселе жоғын, тапсырыс бойынша кітап басып шығарып жатқанын мәлімдеп отыр.
Баласы колледже оқитын бір ата-ана оқулықтардың бір бөлігін базардап сатып алып жатқанын айтты.
Тағы бір тұрғын мектеп берген кітаптар сапасы нашар екеніне шағымданды. «Беттері жыртылған. Жаңа кітапты базардан сатып алуға тура келеді» дейді ол.
2007 жылдан бастап мектептер кітаптарды оқушыларға үш жылға жалға береді. Кітап білім министрлігі есебінен басылады, жалға беру ақысы арнайы қорға қайтарылады. Кітаптарды үш жылдан кейін де жалға беру қажет болса, онда жалға беру ақысының жарымы алынады.
Тәжікстанда 2,5 миллион оқулық басылған. Биыл тағы 4 млн басылады деп жоспарланған. Соған қарамастан мектептерде кітап жетіспей жатыр.
Білім министрлігі өкілдерінің айтуынша, оқулықтар білім басқармасының ұсынысымен басып шығарылады.
Шенеуніктердің мәлімдеуінше, оқулықтарды кітапханаларда сатуға тыйым салынған. Соған қарамастан кітап дүкендерінен қымбат оқулықтар сатылып жатқанын көруге болады. Министрілік өкілдері ол оқулықтар заңсыз көшіріп басылған дейді.
Тәжікстанда 4 мың мектеп бар. Оларда 2 миллионнан астам оқушы оқиды.


















