Тәжікстан Республикасының Президенті Эмомали Рахмон 11 мамырда Тәжікстан мемлекеттік сапармен Қытай Халық Республикасының астанасы Бейжің қаласына келді.
Бейжің халықаралық әуежайында Президент Эмомали Рахмонды Қытай Халық Республикасының ресми өкілдері қарсы алды.
Жоғары мәртебелі қонақтың құрметіне әуежай алаңы мемлекеттік тулармен безендіріліп, құрметті қарауыл сап түзеді.
Тәжікстан президенті Эмомали Рахмон Қытай төрағасы Си Цзиньпиннің шақыруымен бүгін, 11 мамырда Қытайға мемлекеттік сапармен келді.
Қытай мен Тәжікстан 1992 жылы дипломатиялық қарым-қатынас орнатты.
2013 жылы орнатқан стратегиялық серіктестіктері 2017 жылы жан-жақты стратегиялық серіктестікке дейін көтерілді. 2023 жылы екі тарап мәңгілік достық, ынтымақтастық және өзара тиімділікке негізделген ортақ болашаққа ие Қытай-Тәжікстан қауымдастығын құру туралы жариялады. 2024 жылы екі ел өз байланысын жаңа кезеңдегі жан-жақты стратегиялық ынтымақтастық серіктестігіне дейін көтерді.
Си Цзиньпин 2014, 2019 және 2024 жылдары Тәжікстанға үш мемлекеттік сапармен барды. Рахмон Қытайға 22 рет барды.












