АҚШ президенті кеше өткен баспасөз мәслихатында тағы да Иранның берілуін талап етті.
Еуразия Тудейдің хабарлауы бойынша Иранға қарсы соғыстағы мақсаттарының орындалмауына байланысты соңғы күндері қатты қысымға ұшыраған АҚШ президенті Дональд Трамп тағы да Иранның толық берілуін талап етті.
Ол бір журналистің «Иранға қарсы теңіз қоршауын қанша уақытқа дейін жалғастырасыз?» деген сұраққа: «Олар берілуі тиіс. Олардан керек іс осы ғана. Тек: «Біз жеңілдік» десе болғаны», — деп жауап берді.
АҚШ 13 сәуірден бастап Иран порттарын теңіз қоршауына алғанын мәлімдеген болатын. Дегенмен, соңғы күндері навигациялық деректер көптеген кеменің қоршауды бұзып, өтіп кеткенін көрсетіп отыр. Мысалы, теңіз навигациясының соңғы деректері соңғы 24 сағат ішінде 17 кеме қоршау сызығын бұзып өткенін көрсетеді.
Сайып келгенде, Иран да АҚШ-тың бұл заңсыз әрекетіне және атысты тоқтату режимінің бұзылуына жауап ретінде Ормұз бұғазына қатаң шектеу енгізді.
Соған қарамастан, Трамп журналистер алдында сөйлеген сөзінің келесі бір бөлігінде оның армиясы Иранға қарсы ұйымдастырған теңіз қоршауын «кемеңгерлік» қадам деп атады.
Трамп АҚШ армиясын мақтап: «Бізде әлемдегі ең үздік армия бар», — деді. Ол бұл армияның үлкен бөлігі оның Ақ үйдегі бірінші мерзімі кезінде құрылғанын айтты.
АҚШ президенті басқа бір журналистің сұрағына жауап бергенде өзінің бұрынғы мәлімдемелеріне сай, Иран оның талаптарына жақындағанымен, әлі де «жеткілікті деңгейде» келіспегенін алға тартып: «Олар [бізге жақындау үшін] көптеген қадам жасады, бірақ мәселе олардың жеткілікті түрде алға басып келе ме, жоқ па, сонда. Қазіргі уақытта егер олар ядролық қарудан бас тартуға келіспесе, ешқандай келісім жасалмайтынын айтуым керек. Қазіргі уақытта, егер олар ядролық қаруға ие болмайтындарына келіспесе, ешқандай келісім жасалмайтынын айтуым керек», — деді.
Трамптың «Иран оның талаптарымен келісті» деген мәлімдемелері оның әртүрлі мәселе бойынша бірнеше рет Конгресс өкілдері мен ел сарапшыларының наразылығын тудырған шатастырушы мәлімдемелерінің бірі болып отыр.
Дәл бүгін АҚШ Өкілдер палатасындағы Демократиялық партияның жоғары лауазымды мүшесі Адам Смит Трамптың Иран туралы ойдан шығарылған мәлімдемелерін қатты сынға алды.
Смит жиында былай деді: «Трамп жеңіс туралы айтып жатыр, бірақ Иран бізбен келіссөз жүргізуге де дайын емес. Шамамен бір апта бұрын президент Иранның ядролық және зымыран бағдарламасынан бас тартуға, прокси топтарын қолдауды тоқтатуға және Ормұз бұғазын қайта ашуға келіскенін мәлімдеген еді. Мәселе шын мәнінде, мұның ешқайсысы да шындық еместігінде. Трамп бұл сөздерді ойдан шығарған. Иран тіпті бізбен кездесуге де келіспеген болатын»
Трамп бүгінгі мәлімдемесінің басқа бір тұсында Иранмен келіссөздердің «телефон арқылы» жүргізіліп жатқанын айтты. АҚШ президенті енді «Ираннан бір парақ қағаз» көру үшін өз елінің келіссөзшілерін 18 сағаттық ұшақ рейсіне отырғызбайтынын атап өтті.
Трамп бірнеше күн бұрын Вашингтоннан Исламабадқа дейінгі ұшу 18 сағатқа созылатынын айтып, оның бас кеңесшісі Стивен Виткофф пен күйеу баласы Джаред Кушнердің Иранға қатысты келіссөз жүргізу үшін Пәкістанға сапарын тоқтатқан болатын.
АҚШ президенті сол кезде Иранмен келіссөздерді телефон арқылы да жүргізуге болатынын айтқан еді.












