АҚШ Президенті Дональд Трамп Тегеранмен мәміле жасау мүмкіндігіне үміт білдірді.
Трамптың мәлімдемесі Иран Жоғарғы көшбасшысы аятолла Әли Хаменеидің кеше, жексенбі күнгі Ислам революциясының жылдығына арналған сөзіне жауап ретінде жасалды.
Ислам Республикасының басшысы өз сөзінде АҚШ тарапынан жасалған кез келген шабуыл аймақтық соғысқа әкелетінін қадап айтты. Бұл сөздер әлемдік БАҚ-та үлкен резонанс тудырды.
Иран тарапының қатаң риторикасына қарамастан, АҚШ президенті: «Мен Иранмен келісімге келетінімізге үміттенемін», – деп мәлімдеп, келіссөз үстеліне отыруға ниетті екенін ашық көрсетті.
Көпшілікке жасалған мәлімдемелермен қатар, БАҚ-та Вашингтонның тікелей байланыс орнатуға тырысып жатқаны туралы ақпарат тарады. Axios порталының АҚШ-тың жоғары лауазымды басшысығына сілтеме жасап хабарлауынша Трамп әкімшілігі Тегеранға жолдау жіберу үшін бірнеше байланыс арнасын іске қосқан.
Осы деректерге сәйкес, Ақ үй ирандық тарапқа жаңа келісімшарт талаптарын талқылау үшін кездесу өткізуге дайын екендігін ресми түрде хабарлаған.












