Американың бұрынғы президенті Дональд Трамп: «Егер осы елдің бұрынғы президенттік сайлауында бұрмалаушылық болмағанда, бір аптаның ішінде Иранмен ядролық қарусыз келісімге келген болар едім», — деген уәж айтты.
АҚШ-тың бұрынғы президенті әрі 2024 жылғы осы елдің президенттік сайлауына үміткер Дональд Трамп Байденмен сайлау алдындағы алғашқы пікірталасқа 2 күн қалғанда Bloomberg агенттігіне берген сұхбатында оның билігі кезінде Қытай және Ресеймен мәселе бүгінгі күнгідей соншалықты жоғары болмағанын айтты.
Трамп былай деді: «Қытаймен менің мәселем болған жоқ. Ресеймен де мәселем болмады. Менің ешкіммен мәселем болған емес. Біз үлкен экономикалық күші бар елдің иесіміз. Алайда осы күштен тез айырылып жатырмыз. Біз стандарттарымызды да жоғалтып жатырмыз. Олар долларды пайдаланбайды. Иран енді мұны қолданбайды. Ресей де пайдаланбайды. Сауд Арабиясы да олар (аталған екі ел: Иран мен Ресей. Ред) бізбен де, Қытаймен де ынтымақтасады дейді», — деді.
Ол сөзінің келесі бір бөлігінде: «Мәселені өте қиындататын нәрселер бар. Мәселе мынада: соңғы үш жарым жылда Қытай Ресеймен, Иран және Солтүстік Кореямен одақтасты. Солтүстік Кореяның ядролық қаруы көп» — деді.
Трамп сөзін жалғастырып: «Бұл жағдайлар соңғы үш жарым жылда біз бұған жол бергендіктен болды, Өйткені, Байден ақымақ. Ол Ресей мен Қытайды бірігуге мәжбүр етті. Одан кейін олар Иранға қосылып, кейін Солтүстік Кореяға барды. Оларға енді басқа ешкім керек емес», — деді.
Трамп өзінің төрт жылдық президенттігі кезіндегі жетістіктеріне сілтеме жасап: «Олар әлемнің барлық басқа президенттерінен пайда көрді. Менімен әлемде ешкім пайда көрмеді. Иран банкрот болған. Иранда ақша жоқ еді», — деді.
Трамп сөзінің жалғасында уәждерін тағы қайталап: «Олар келісім жасауы керек еді. Егер сайлау бұрмаланбағанда, олар бір аптаның ішінде менімен мәміле жасар еді. Мен мәмілеге жақындаған едім. Оның негізін ешқандай ядролық қару болмау құрайтын болған. Мен олармен ядролық қарусыз үлкен мәміле жасар едім», — деді.
АҚШ-тың бұрынғы президенті: «Олар ядролық қаруға жету жолында болды. Мен Иранмен ядролық келісімді аяқтадым. Оны жүзеге асыру өте қиынға соқты. Бұл ең ақымақ мәміле еді. Мен оны аяқтадым, ал Байден бұл келісімге ештеңе істемеді», — деді.
Трамп сөзінің соңында оның кезінде Иранның аймақтық қарсыласу топтарын қолдайтын ақшасы болмағанын да алға тартты.












