АҚШ президенті Дональд Трамп Иранға қатысты мәселеде не қалайтынын өзі де білмейді.
Еуразия Тудейдің хабарлауы бойынша аты-жөнін атамауды өтінген ирандық жауапты тұлға «Politico» веб-сайтына берген жазбаша сұхбатында АҚШ президенті Дональд Трамптың Иранға қатысты құбылмалы мінез-құлқына тоқталып: «Негізгі мәселе — Трамптың келіссөздерден нақты не қалайтыны жөнінде әлі де айқын әрі жүйелі ұстанымға келе қоймағанында сияқты.
Бұл жағдай америкалық тараптың шын мәнінде не нәрсеге келісуге дайын екенін немесе тіпті кез келген кезеңдегі ұзақ мерзімді мақсаты не екенін түсінуді қатты қиындатады. Сол себепті диалог кезеңінен өтіп, нақты әрі іс жүзінде орындалатын келісімге жету қиын болып отыр».
Ирандық шенеуніктің бұл мәлімдемесі Дональд Трамптың бір жағынан дипломатияны ілгерілетуге ниетті екенін айтып, екінші жағынан Ислам Республикасының теңіз бұғатын жою орнына Ормұз бұғазын ашу туралы жақында жасаған ұсынысын кері қайтарған сәтте жасалды.
Трамп бұл мәселе бойынша журналистерге: «Олар келісімге келгісі келеді. Меніңше, бұл жақсы. Мен де келісімге келгенді қалаймын. Бұл келісім қабылданбайды», — деді.
Politico хабарлауынша, америкалық басшылар да Тегеранның жаңа ұсынысында тым көп талап қойғанын, бірақ айтарлықтай жеңілдік ұсынбағанын айтуда.
Еске салайық, АҚШ Иранға қарсы теңіз қоршауын жойса, Иран өз тарапынан Ормұз бұғазын ашуға және ядролық бағдарлама бойынша келіссөздерді қайта бастауға дайын екенінбілдірді.
Дональд Трамп бұл ұсынысты кері қайтарды.
АҚШ өкілдерінің пікірінше, Иран бұл жаңа ұсынысында айтарлықтай жеңілдік жасамай, керісінше өте көп талап қойған.












